Desenvolvemento web e apps · feito en Carballo
Ademais de imprimir, programamos. Deseñamos, desenvolvemos e mantemos webs, tendas en liña e apps para iPhone e Android — comezando por esta mesma web e as nosas propias apps.
Proxectos que xa funcionan
Publicadas na App Store e en Google Play, co seu panel de xestión detrás.
App propia · iOS e Android
A app do comercio local de Carballo: tendas, bares e profesionais nun mapa, con compra, reserva e pedido a domicilio. Ideámola, programámola e mantémola nós, co seu panel de xestión para que cada negocio actualice os seus produtos.
App propia · iOS e Android
A nosa propia app de pedidos: todo o catálogo de impresión no peto, co prezo calculado ao instante e o pedido enviado directamente ao taller.
Concello, comercio, hostalaría, adega, seguros e a nosa propia tenda.
Tenda en liña
A nosa propia tenda: máis de 400 páxinas, configurador que calcula o prezo con IVE ao instante, pagamento con tarxeta, Bizum e PayPal, área para clientes profesionais e todos os pedidos entrando sós no ERP.
Restaurante e camping
Web en galego para o Restaurante Camping Baldaio (A Pedra do Sal, Carballo): carta, actuacións e reserva de mesa e de parcela desde o móbil.
Adega · Ribeira Sacra
Web e tenda de viño para Bodegas Petrón (Doade, Ribeira Sacra): as fichas dos seus viños, a súa historia e a venda en liña con pagamento seguro.
Administración pública
Web municipal en galego e castelán: servizos municipais, turismo e patrimonio (Dolmen de Dombate, Castro de Borneiro), emprego e acceso á sede electrónica.
Corredoría de seguros
Web corporativa da Corredoría de Seguros Bruma Bergantiños: os seus servizos, preguntas frecuentes, testemuños de clientes e contacto directo.
Centro comercial
A web do centro comercial de Carballo: o directorio de tendas, o híper GADIS, os multicines, o ximnasio e todos os seus servizos nun só sitio.
Catro pasos, sen letra pequena.
Cóntasnos que necesitas: unha web nova, unha tenda, unha app… Na tenda ou por WhatsApp.
Dicímosche que fai falta, canto custa e en canto tempo. Sen sorpresas.
Facémolo nós, en Carballo. Vas vendo os avances e cambiamos o que faga falta.
Dominio, hosting, App Store e Google Play, copias de seguridade e soporte.
Desde unha web sinxela ata unha app co seu panel e a súa conexión co programa de xestión.
Nada de modelos reciclados: deseño propio, rápido, que se ve ben no móbil e que aparece en Google.
Catálogo, carro e cobramento real con tarxeta, Bizum ou PayPal. Con ou sen configurador de prezo.
Publicación na App Store e en Google Play ao noso nome ou ao teu, e o seu panel para que a xestiones ti.
Mesas, parcelas, citas ou pedidos a domicilio, con aviso por correo en canto entra un.
Que o que se vende na web entre só no teu programa de facturación e non haxa que teclealo dúas veces.
Servidor propio, copias de seguridade, certificado e cambios cando os necesites. Non te deixamos só despois de publicar.
Cóntanolo sen compromiso: dicímosche que fai falta, canto custa e en canto tempo.
